Се уште не стивнуваат страстите околу последната епизода од седмата сезона на серијата „Game of Thrones“. Освен што токму таа епизода нè натера да си поставиме уште многу прашања, најмногу не заинтригира секс сцената помеѓу Дајнерис и Џон Сноу.
Иако сите сакавме овие два лика конечно да се спојат, некако самото тоа што тие се всушност тетка и внук, целосно ни ги помеша сцените во главата. Сепак, режисерот дозволи тие двајца да водат љубов, затоа што во тоа време тоа и не било толку чудно.
Актерката Емилија Кларк, која веќе шест години ја глуми Дајнерис Таргарјен, пред емитувањето на финалната епизода, откри какви реакции очекува од публиката.
- За нас тоа беше многу чудно. Фактот дека тие двајца се во роднинска врска мислам дека ќе направи и другите да се гадат од самата сцена.
Кит Харингтон, односно Џон Сноу, мисли дека ликовите знаеле дека прават нешто што подоцна ќе предизвика многу проблеми.
- Работата е во што кога имаш силни чувства кон некој и поминувате заедно низ многу работи, не може да го стопирате она што се случува меѓу вас, изјавил Кит.