Снимањето на третиот дел од Сексот и градот дигна голема прашина откако Сара Џесика Паркер директно ја обвини Ким Катрал дека нејзиното однесување е причината поради која нема да има ново продолжение.
Во определен миг дури и сугерираше дека ликот на Саманта е непотребен и слободно може да „умре“, па без проблем да се сними трет дел.
Катрал, која деновиве се појави во емисијата на Пирс Морган, откри дека во суштина девојките кои на филмското платно се најдобри пријателки, во приватниот живот немаат ништо заедничко.
-Никогаш не сме биле пријателки. Бевме колеги и на некој начин тоа е здрав однос затоа што имаш јасна линија помеѓу твојот професионален и приватен живот. Тие имаат деца, додека јас сум 10 години постара. Откако заврши серијата го поминувам своето време надвор од Њујорк, па затоа не се гледам со нив. Нашиот заеднички интерес беше серијата, сега серијата заврши, вели Ким.
Актерката додаде дека е разочарана од нејзините колешки кои не можат ни да ја прашаат како е.
-Уште нешто што е многу разочарувачко е фактот што никој не го крева телефонот да се потруди да праша како си, објаснува таа.