Оваа година ќе биде една од најдобрите за љубителите на филмскиот свет. Очекувани се и нови продолженија на филмовите кои досега веќе достигнаа огромна гледаност. Без разлика дали обожавате акција, драма, романса, комедија или пак анимиран филм, оваа година нуди голем избор во кој ќе може да уживате.
А, еве го нашиот избор на некои од нив:
Fifty Shades Freed, 8 февруари
Во финалниот дел на триологијата „Педесет Нијанси“ конечно ќе можете да ја видите венчавката на Кристијан и Анастасија. Сепак, во него ќе се врати и поранешниот шеф на Ана кој ќе сака да се одмазди за отказот кој го добил, а нема на мир да ги остави и поранешната партнерка на Кристијан, Елена. Дали двојката ќе успее да ги надмине и овие проблеми?
Tomb Raider, 16 март
Томб Рајдер се враќа, но на наша огромна жал, Лара Крофт нема да биде Анџелина Џоли, туку Алисија Викандер. Во филмот e прикажана првата експедиција на Крофт, а содржи многу повеќе акција од претходните.
Avengers: Infinity War, 4 мај
Avengers Infinity War е суперхеројски филм во кој чуварите на галаксијата ги здружуваат силите со The Avengers за да го спречат Танос да ги собере сите бесконечни камења.
Ocean’s Eight, 8 јуни
Во филмот можеме ја гледаме Сандра Булок која откако ќе биде ослободена од затвор, создава тим од висококвалификувани жени со планира огромен грабеж. Тимот на Булок вклучува дел од познатите личности како Ријана и Авквафина.
Mission: Impossible 6, 27 јули
За шестиот дел на веќе добро познатиот филм Невозможна мисија се знае дека освен актерите Том Круз, Ребека Фергусон, Симон Пег, Мајкл Морган, Алек Болдвин ќе ги видиме и Хенри Кавил, Ванеса Кирби, Сиан Брук и Ангела Басет.
За да дознаеме што ќе се случува во новото продолжение ќе мораме да почекаме до објавувањето на првиот трејлер.
X-Men: Dark Phoenix, 2 ноември
Во дванаесеттиот дел од X-Men тимот ќе биде принуден да одлучи дали животот на член од тимот вреди повеќе од животите на сите луѓе на светот. Ова е уште еден од филмовите за кои што со нетрпение го очекуваме првиот трејлер.