Низ годините Том Круз стана синоним за бестрашен актер кој секогаш инсистира сам да ги изведе акционите сцени во филмовите во кои што глуми.
Ова особено важи за Mission: Impossible франшизата каде што како агентот Итан Хант постојано е вплеткан во некоја ризична сцена.
Ништо поинаку не беше ни за време на снимањето на последното продолжение од серијалот Mission: Impossible – Fallout. Сепак, овој пат каскадерскиот потфат заврши со скршен зглоб на ногата.
Видеото од самата несреќа за прв пат беше прикажано во шоуто на Греам Нортон каде Круз заедно со своите колеги од филмот раскажуваше детали од снимањето.