„Кралот лав" од 1994 на компанијата „Дизни“ е најдобар анимиран филм на сите времиња, според листата на порталот „Ранкер“, изработена врз основа на гласовите на околу 460.000 посетители на сајтот.
На второ и трето место се најдоа класиците од конкурентското студио „Пиксар“: „Приказна за играчките" (1995) и „Барајќи го Немо" (2003). Натаму следуваат долгометражните цртани филмови „Воли", „Шрек", „Аладин", „Подлиот јас" и „Рататуи".
Инаку, „Кралот лав" досега заработи скоро милијарда долари. Во 2019 година треба да се појави неговата преработка, која ќе ја режира Џон Фавро, а гласовите ќе ги позајмат Џејмс Ерл Џонс, Сет Роген, Доналд Гловер и Бијонсе.