„The shape of water“ е фаворитот во борбата за овогодинешниот Oскар за најдобар филм, но тој сега се соочува со тужба за плагијат.
Во тужбата се наведува дека неговиот фантастичен заплет во кој е опишана романтичната врска на чистачката и таинствениот речен створ е преземен од една американска театарска претстава.
Тужбата е поднесена од страна на синот на Паул Зиндел во федералниот суд во Лос Анџелес и во неа се обвинуваат режисерот Гиљермо дел Торо, продуцентот Даниел Краус и филмското студио Fox Serchlight за дрско препишување на приказната, елементите, ликовите и темата од претставата на покојниот Паул Зиндел, Let me hear your whisper.
Во тужбата се наведени скоро 60 сличности помеѓу претставата и филмот, а обвинетите не ја побарале вообичаената дозвола за правата на Зинделовата претстава, ниту пак го навеле како автор.
Филмското студио Fox Serchlight ги негираше тврдењата како неосновани и потполно безвредни.
Во соопштението наведува дека тужбата изгледа како темпирана за да дојде до судир со гласањето за Оскар и да се изврши притисок на студиото, но тоа нема да се случи бидејќи енергично ќе биде извршена одбрана како за себе, така и за иновативниот и оригиналниот филм.
„The shape of water“ е веќе добитник на Златен глобус за најдобар филм и други многубројни награди од страна на филмските критичари во САД.