Идејата за женски Џејмс Бонд е дело на магазинот W, a се чини како одлична за застапување на женскиот пол во облик на супер херој.
Во свет преоптоварен со Супермен и Бетмен кои се исклучиво во машка верзија се појави и Wonder Woman по која се покажа дека филмската индустрија е жедна за женски херои.
Во врска со идејата за женски Бонд се огласи и Шарлиз Терон која смета дека идејата е одлична, но таа е престара за улогата.
-Гледајте, тоа е извонредна и ласкава идеја. Јас сум посебно почестена од неа. Ми се допаѓа тоа што луѓето конечно размислуваат и надвор од кутијата. Убаво е да се види дека тие сега размислуваат и на друг начин за тоа ликот каков може да биде. Мислам дека е одлично што развиваме улоги од тој жанр и за жените, но сепак сметам дека јас сум многу стара за да бидам женската верзија на Џејмс Бонд, раскажа познатата актерка.
Кога и беше кажано дека главната улога за машката верзија на Џејмс Бонд, Даниел Крег, е седум години постар од неа, нејзиниот став се промени.
-Даниел, внимавај. Доаѓам по твојата улога, се пошегува таа.