Сигурно уште од мали сте слушнале за црната магија. Не е важно дали сметате дека постои или не, постарите ви укажале дека никогаш не смеете да западнете во искушение и да започнете ритуали со кои ќе се уверите дали е дел од реалниот или фиктивниот свет.
„Pyewacket“ е токму оној филм во кој преовладува црната магија. Во приказната се раскажува за нефункционалната врска помеѓу мајка и нејзината ќерка. Како и сите тинејџери што се бунтовни и се ги нервира, така и оваа е испровоцирана од советите на нејзината мајка и одлучува да фрли црна магија со која ќе ја убие.
Меѓутоа настаните не одат по очекуваниот тек. Нејзиниот натприроден престап се манифестира преку серија нарушувања кои започнуваат во домот, а кои наскоро стануваат се поопасни и животозагрозувачки.
Канадскиот хорор се смета за еден од ретките кои ќе навлезат во вашата психа и ќе ве натераат да побарате одговори на многу прашања кои не сте ги дознале до сега.
Премиерно беше прикажан на 23 март годинава на филмскиот фестивал во Торонто.