Гран-при за филмот „Види ја ти неа“ на Горан Столевски

„Види ја ти неа“ во режија на Горан Столевски освои Гран-при награда за најдобар интернационален краткометражен игран филм на 65. Мартовски - Белградски фестивал на документарен и краток филм.

Како што соопшти Продукцијата „Црна мачка“, организаторт на фестивалот им ја врачил наградата на продуцентите Кристијан Буровски и Димитар Минов.

Жирито го опиша филмот како „Силна критика на актуелните политички и психолошки моменти изразена преку бескомпромисен приказ на независната и позитивна хероина, која низ животот чекори одлучно и достоинствено. Ова е прецизно режиран филм и пример за силен, автентичен и впечатлив авторски израз и активен повик за преиспитување на стереотипите при претставување на жената во современиот филм.“

Белградски фестивал на документарен и краток филм, популарниот Мартовски фестивал е најстариот српски филмски фестивал и е еден од најдолговечните еврпски филмски фестивали. Од своето прво издание претставува најважна платформа на која домашните филмски автори може да ги претстават своите документирани, експериментални, анимирани и кратки играни филмови, пред публиката и гостите на фестивалот. Оваа година беа прикажани преку 120 филмови, во натпреварувачката програма и во ревијалниот дел, со прикажување на две светски премиери и премиери на сите српски долгометражни играни филмови.

„Види ја ти неа“ е приказна за младата девојка Анета, која се обидува да ги реши проблемите во семејството и училиштето вклучувајќи се во еден исклучиво машки верски ритуал, скокање по крстот за Водици.

Улогите во филмот ги толкуваат Сара Климоска, Игор Ангелов, Пируника Киселички, Антонија Белазелкоска, Милица Стојанова, Жарко Јовановиќ, Иво Антов, Виктор Арсов, Симон Манасковски, Изабела Новотни и Горан Илиќ.

Горан Столевски го напиша сценариото за филмот, кинематографер е Наум Доксевски, сценограф Влатко Чачоровски, костимограф Жаклина Крстевска, тонец Братислав Зафировски, а шминката е на Наталија Кајевска. Продуценти на филмот се Димитар Минов, Кристијан Буровски и Томи Салковски.

Филмот е во продукција на „Црна мачка“, а копродукција со Скопје Филм Студио. Филмот беше финансиски поддржан од Агенцијата за филм на Република Македонија.

Следната фестивалска дестинација на филмот е на филмскиот фестивал во Виена 6. LЕТ’S CEE



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Си бил Мали Ѓокица и зборувал многу безобразно (срамотно). Еден ден тој оди во училиште, а учителката ги свикала девојчињата од класот и им вели: - Девојчиња! Ако слушнете Мали...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по суви коловози. ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните...
Верски календар
На денешен ден
1534.- Шпанскиот благородник Ињацио Лојола во...
1896.- На Алјаска, најсеверниот дел на САД е...
1914.- Британскиот експедиционен корпус се...
1926.- Во американската метропола на филмот,...