Home Box Office, водечката телевизиска мрежа, со ја најавува премиерата на втората сезона на серијата „Приказната на робинката“ (The Handmaid's Tale). Првите две епизоди, преку видео услугата на барање HBO GO ќе бидат достапни од 26. април. Нови епизоди во понудата ќе бидат достапни секој четврток.
На HBO каналот премиерата ќе биде на 25. мај во 20:00 часот, додека по една нова епизода ќе се емитува секој петок.
Адаптирана според класичниот роман на Маргарет Етвуд, „Приказната на робинката“ е приказна за животот во дистопичната држава Гилед, која е тоталитарно општество во поранешните САД. Соочувајќи се со еколошки катастрофи и со намален наталитет, во Гилед владее изопачен фундаментализам со милитаристички став за „враќање кон традиционалните вредности“. Како една од малкуте преостанати плодни жени, Фредова (Елизабед Мос) е робинка во куќата на Командантот, припаѓајќи на кастата жени кои се присилени да бидат сексуални робинки за последниот очајнички обид повторно да се насели светот.
Оваа драма, наградена со „Еми“ и „Златен глобус“, се враќа со втората сезона во која сме сведоци на бременоста на Фредова и нејзината истрајна борба за ослободувања на нејзиното бебе од дистописките ужаси на Гилед. „Гилед е во тебе“ – е омилената реченица на тетка Лидија. Во втората сезона, Фредова и сите други ликови ќе се борат против оваа мрачна вистина. Или можеби ќе ѝ се препуштат.
Во новата сезона во главните улоги ќе ги гледаме: Елизабет Мос, Џозеф Фајнс, Ивон Страховски, Самира Вајли, Макс Мингела, Ен Дауд, Алексис Бледел, Медлин Бруер и О.Т. Фагбенл.