Да се биде актер не е ни малку лесна работа, но оние кои решиле да се занимаваат со оваа професија и ја имале таа среќа да завршат во Холивуд, може да се пофалат со прилично добра плата.
Најплатениот актер во моментот е Даниел Крег кој за она добро познато -Бонд...Џејмс Бон, ќе искешира добри 25 милиони долари и со тоа ќе се најде на листата на најдобро платени актери. Сепак, Крег добро ќе треба да се испоти за милионите со оглед на тоа дека филмовите за познатиот таен агент 007 изобилуваат со најразлични акциони сцени за кои ќе треба да биде во одлична физичка форма.
Веднаш зад него на листата на најплатени се Двејн Џонсон и Вин Дизел кои за своите улоги во Red Notice и The Fate of the furious со по 22 и 20 милиони долари.
Што се однесува до понежниот пол, во најплатените 10 се најдоа само 3 жени и тоа Ен Хатавеј, Џенифер Лоренс и Сандра Булок. Ен за својата улога во филмот „Barbie“ треба да добие 15 милиони, додека Лоренс и Булок веќе беа исплатени за улогите во Red Sparrow и Minion, со по 15 и 10 милиони долари.
Дека нештата постојано се менуваат покажува фактот што некогаш звучните имиња како Том Круз и Леонардо Ди Каприо, кои не земаа под 20 милиони, сега треба да се задоволат со скромни суми од 10 до 13 милиони.
Даниел Крег (Bond) - 25 милиони долари
Двејн Џонсон (Red Notice) – 22 милиони долари
Вин Дизел (The Fate of the furious) – 20 милиони долари
Ен Хатавеј (Barbie) – 15 милиони долари
Џенифер Лоренс (Red Sparrow) – 15 милиони долари
Сет Роген (Flarsky) – 15 милиони долари
Том Круз (The Mummy) – 13 милиони долари
Харисон Форд (Indiana Jones 5) – 12 милиони долари
Сандра Булок (Minions) – 10 милиони долари
Леонардо Ди Каприо – (Once Upon a Time In Hollywood) – 10 милиони долари