Холивудската ѕвезда Никол Кидман се промени до непрепознатливост за улогата на детектив со проблематично минато, во новата драма „Destroyer". Филмот премиерно беше прикажан на Лондонскиот филмски фестивал.
Имено, оскаровката мораше да ја замени својата препознатлива долга руса коса со куса костенлива, и со мрачен израз на лицето, каква што била Ерин Бел - детективка на тајна задача, инфилтрирана во гангстерска банда, учествувала во нелегални акции со цивилни жртви и долго потоа не може да се помири со тоа.
- Влегов во нејзиниот лик и сочувствував со неа. Си мислев, има одреден немир и збрканост во нејзиниот гнев, какви што досега не бев видела на големиот екран, особено во женски лик, објаснува актерката.
Што се однесува на глумата, публиката има многу пофални зборови.