Меѓу најинтересните серии кои пристигнуваат на HBO и HBO GO оваа есен се оригиналните серии во продукција на HBO Europe – новата полска серија „Ослепени од светлата“ (Blinded By The Lights), романско-германската копродукција „Хакервил“ (Hackerville) и третата сезона на унгарската хит серија „Златен живот“ (Aranyelet).
По две успешни HBO Europe серии „Глутница“ (Wataha) и „Пакт” (The Packt) кои беа продуцирани во Полска, ни пристигнува новата серија „Ослепени од светлата, серија во 8 епизоди која раскажува приказна за 7-те дена од животот на еден дилер на кокаин, чијшто совршено организиран живот почнува да се претвора во хаос кога е присилен да ги донесе најбитните одлуки во животот. Серијата се базира на истоимениот роман на Јакуб Жилчник, режисер на сите епизоди е Кристоф Сконјецни (Hardkor Disko), додека сценариото е на претходно споменатите двајца автори. Сите епизоди на „Ослепени од светлата“ се достапни на HBO GO, додека на HBO каналот новите епизоди се емитуваат секоја сабота во 22 часот.
На почетокот на ноември премиера ќе има серијата „Хакервил“, во која се работи за еден 14-годишен гејмер и за една германско-романска аналитичарка за кибернетски криминал која е испратена да најде еден хакер во својот роден град Темишвар. Таму таа се здружува со еден романски полицаец.
Серијата имаше премиера на Филмскиот фестивал во Џирих, додека премеирата на HBO 3 каналот е закажана за 4. ноември во 22:00 часот. Истиот ден ќе биде достапна и на HBO GO. Ова е прва копродукција на HBO Europe и TNT Serie, а продуценти се познатиот романски режисер и сценарист Кристијан Мунгију и Тудор Реу.
Сите епизоди од третата и последна сезона на популарната и неколкукратно наградувана унгарска серија „Златен живот“ се достапни на HBO GO, додека на HBO 3 каналот нови епизоди се емитуваат секоја недела во 21 часот.
Серијата го следи семејството Миклоши кое конечно го живее животот од нивните соништа. Но зад таа фасада на среќата, купена со крв и предавства, сѐ уште вријат страстите. Ќе може ли семејството, моќта, кариерата и интегритетот некогаш да функционираат заедно?
Меѓу сериите во продукција на HBO Europe која се очекува со големо нетрпение е и премиерата на правата серија од нашиот регион „Успех“, во режија на оскаровецот Данис Тановиќ.
Секоја серија ќе има премиера во исто време во сите земји кои ги покрива HBO Europe.
Преку услугата HBO GO достапни за гледање се и останатите серии во продукција на HBO Europe: наградуваната мини-серија „Несогорливата капина“ (Burning Bush), врвни драмски серии како „Мамон“ (Mamon), „Пакт“ (The Pact), „Глутница“ (Wataha) и други.