Бен Афлек пред неколку недели излезе од клиниката за одвикнување од алкохол и сега се подготвува за својот следен филм „Torrance“, каде ја глуми главната улога, а слободното време го користи за прошетка со неговите миленичиња и за да се види со децата.
Пред да „го допре дното“ со својата зависност, тој беше поврзуван со продуцентката Линдзи Шукус и Плејбој зајачицата Шона Сексто. По еден инцидент со Шона, неговата состојба се влошила, па тој морал в болница. Моментно нема девојка.
– Поради својата зависност од алкохол, завршив на рехабилитација, а со тоа се борев подолго време. Таа моја борба не прекинува тука. Сакам да уживам во животот и да бидам најдобар татко на светот, изјави актерот во една прилика.
Во новиот филм, Афлек е во улога кошаркар кој се оддал на алкохол, па поради тоа и се развел. Приказната потсетува на случајот со неговата доскорешна сопруга Џенифер Гарнер, со која се разведе минатиот месец.