Арнолд Шварценегер и Линда Хамилтон повторно се рамо до рамо во новото продолжение на Terminator: Dark Fate. Шестиот филм од познатата франшиза ги следи случувањата по 1991-ва потполно игнорирајќи ги филмовите кои во меѓувреме беа снимени, и е под режисерската палка на Тим Милер.
За прв пат по Terminator 2: Judgment Day, Џејмс Камерон се појавува како продуцент, а воедно соработува и на приказната за новото продолжение.
Иако сценариото за Dark Fate се држи во тајност, судејќи по првите фотографии кои ги објави Paramount, Т-800 е пред пензија, додека Сара Конор изгледа подготвена за борба како никогаш до сега.
Филмот треба да се појави во кино салите ширум светот на 1-ви ноември.