Новата получасовна хумористична HBO серија „Бегство кон љубовта“ (Run), на сценаристката и продуцентка Вики Џоунс, ќе има премиера на 13. април во 21:30 часот на HBO каналот, а истиот ден доаѓа и на HBO GO.
Со Мерит Вивер и Домнал Глисон во главните улоги „Бегство кон љубовта“ е микс од романтична комедија и трилер. Серијата раскажува за Руби Ричардсон (Вевер), жена која го напушта животот во предградието за да ги евоцира спомените од минатото со некогашното момче од колеџ, Били Џонсон (Глисон). Пред 17 години тие склучиле договор дека доколку еден од нив испрати порака со содржина „БЕГСТВО“ и го добие истиот одговор, тогаш го напуштаат дотогашниот живот и се среќаваат на станицата „Гранд централ“ во Њујорк за да ја шетаат Америка заедно.
Како гости во серијата се појавуваат и добитничката на „Еми“ и „Златен глобус“ Фиби Волер Бриџ во улогата на Лорел, жена која Руби и Били ќе ја запознаат за време на своето патување. Рич Сомер го игра сопругот на Руби, Тамара Подемски ќе ја гледаме како полициски детектив, додека Арџи Пенџаби е Фиона, поранешна помошничка на Били.
Освен Вики Џоунс, извршни продуценти се и Фиби Волер Бриџ, Џени Робинс, Кејт Денис, Емили Лио и Оливер Роскил.