Моника Белучи ќе глуми во комедијата „Мафија мама“, заедно со Тони Колет и Роб Хубел, а во режија на Кетрин Хардвик. Режисерката е позната по хорор-романсата „Самрак“.
Филмот ја раскажува приказната за Кристин (Колет), Американка од предградието која одеднаш го наследува мафијашкото царство на дедо ѝ. Таа ги предизвикува и туѓите и сопствените очекувања со одлуката да го прифати „семејниот бизнис“. Белучи ќе ја игра улогата на Бјанка, која е десната рака на починатиот водач на мафијата и има за цел да ја води Кристин во целата работа.
– Тоа ќе биде чиста забава, поддржана од солидна доза феминизам, смета Колет.
Снимањето на филмот за очекува да започне на пролет во Италија.