Мишел Монахан, актерката која фановите имаа можност да ја погледнат во одличната мини-серија True Detective, има нов филмски проект.
Fort Bliss е драмата која треба да ја има својата премиера оваа година. Во неа Мишел ја портретира Меги Сван, доктор во армијата на САД која ќе се врати дома по 15-месечната служба во Блискиот исток. Кога ќе се врати нејзиниот син ќе има проблеми со адаптирањето на нејзиното присуство, а и нејзиниот љубовен живот ќе стане полн со предизвици. Особено кога ќе го запознае Луис (Маноло Кардона).
Покрај Монахан и Кардона во останатите улоги ќе се појават и Рон Ливингстон, Пабло Шрајбер и ветеранот актер Џон Севиџ.
Fort Bliss го режисераше и напиша Клаудија Мајерс, а додека ја очекуваме премиерата погледнете го првиот трејлер.