Дејвид Кроненберг има нов проект кој конечно го претстави за фановите.
Maps to the Stars е најновиот проект на одличниот режисер, а во него актерската екипа е подеднакво одлична. Џулијан Мур е предводник на актерите во оваа необична сатира за славните семејствата во Холивуд.
Таа ќе ја портретира Хавана, славна и разгалена холивудска актерка, а филмот ќе ги следи и животите на семејството Вејс, славната холивудска династија која веќе има дете-актер редовен пациент во центрите за рехабилитација и тинејџерка тазе излезена од санаториум за пироманија.
Покрај Џулијан во останатите улоги ќе се појават и одличните Џон Кјузак, Миа Васиковска, Роберт Патисон и Оливија Вилијамс.
Сценариото за Maps to the Stars го напиша Брус Вагнер и ова е првиот филм кој Кроненберг го сними на американско тло во неговата кариера.
Премиерата се очекува во текот на оваа 2014-та година, но во меѓувреме погледнете го првиот трејлер.