Во ноември смртта на Пол Вокер сите не погоди, особено неговите фанови. Токму тогаш се снимаше и седмото продолжение на филмот „Брзи и бесни“ каде што тој ја имаше главната улога заедно со Вин Дизел.
Тогаш продуцентите на филмот не знаеја дали да продолжат со неговото снимање или да го прекинат, но сега конечно одлучија. Браќата на Пол, Кејлеб и Коди Вокер ќе помогнат да се завршат сцените каде што требаше да глуми Пол, иако тој поголемиот дел од акционите сцени ги снимаше пред смртта.
- Се собравме и сите заедно се договоривме дека треба да продолжиме со снимање. Веруваме дека нашите фанови тоа го сакаат и Пол Вокер тоа би го сакал. Тој веќе ги снимаше повеќето акциони сцени, изјавија од продукцијата.
Пол, односно Брајан, во филмот „Брзи и бесни“, нема да почине, туку само ќе се пензионира, бидејќи со неговата смрт во филмот, повторно ќе се отвори раната која ја доживеавме за неговата смрт.