Огнената црвенокоса актерка Џесика Частејн, е во прегодвори да ја портретира легендарната Мерлин Монро во најновиот биографски филм кој се планира во Холивуд.
Частејн која во досегашната кариера два пати беше номинирана за Оскар, преговара за главната улога во Blonde, биографскиот филм за Мерлин Монро кој треба да биде адаптиран од истоимената книга на Џојс Керол Оатс.
Blonde нема да се фокусира на животот на кариерата на Монро од дете до смртта, туку повеќе ќе се фокусира на нејзината борба со клиничката депресија и внатрешните „демони“ со кои се борела се до смртта на возраст од само 36 години.
Режисер на Blonde ќе биде Ендру Доминик, кој во 2012-та година го претстави Killing Them Softly со Бред Пит во главната улога.
Иако Доминик за оваа улога ја планираше Наоми Вотс, големи се шансите таа да биде доделена на Частејн.
Последна актерка која на големото платно ја толкуваше Монро беше Мишел Вилијамс во My Week With Marilyn. Вилијамс освои номинација за Оскар за портретирањето на Мерлин Монро, но не успеа да ја освои статуетката.
