Џос Видон не губеше време помеѓу двата Avenges блокбастери. Тој се дружеше со познатото друштво на актери и со омилениот писател, Вилијам Шекспир.
Па така веднаш по The Avengers, само третиот блокбастер по заработка во историјата, тој го создаде Much Ado About Nothing - Многу врева за ништо, филм со микро буџет, но бесценета актерска екипа.
Адаптиран од истоимената комедија на Вилијам Шекспир, но сместен во сегашно време, Многу врева за ништо е најновата филмска адаптација на класичната љубовна приказна за Беатрис и Бенедикт, двајца тврдоглваи индивидуи кои мора да бидат „турнати“ во романса од нивните роднини и пријатели. Урнебесно смешен, режиран во црно-бела техника со маестрална актерска екипа, Многу врева за ништо е најновиот предлог на Идивиди за филм кој има единствена маана. Заборавен е од времето.
Наслов:
Much Ado About Nothing
Режија:
Џос Ведон
Сценарио:
Џос Ведон базирано на Much Ado About Nothing од В. Шекспир
Улоги:
Ејми Екер, Алексис Денисоф, Рид Дајмонд, Нејтан Филион...
Времетраење:
108 мин.
Самиот Џос Ведон во едно интервју изјави дека буџетот за снимање бил толку мал што филмот морал да го сними во сопствениот дом, а како статисти ги повикал неговите пријатели.
Тој пред да започне снимањето на сцената во која има забава покрај базенот им напишал и испратил мејл на пријателите да дојдат кај него дома и да глумат дека се гости на забава. Останатото е историја.
Погледнете го трејлерот за Much Ado About Nothing.