Легендата на светската кинематографија и двоен добитник на Оскар, Крис Менџис е добитникот на наградата „Златна камера 300“ за животно дело на овогодинешниот Филмски фестивал „Браќа Манаки“.
Со кариера која се простира повеќе од 4 декади, Менџис соработуваше со повеќе легендарни режисери како Роланд Џофи, Нил Џордан, Џим Шеридан, Шон Пен, Стивен Феарс, Ричард Ејр, Стивен Далдри, а од 4-те номинации за Оскар, освои две статуетки.
Првата за The Killing Fields во 1985-та година, а втората за The Mission во 1987-ма.
Последната соработка на филмски проект беше на Redemption, филмот од 2013-та гдоина на Стивен Најт со Џејсон Стејтам во главната улога.
Менџис е член на Американската и Британската асоцијација на кинематографи и еден од најпочитуваните директори на фотографија во светот.