Третото продолжение на акцијата с дел од најголемите акциони херои од Холивуд, Expendabes имаше ужасен деби викендов на бокс офисот. Акцијата со Силвестер Сталоне, Арнолд Шварценегер, Мел Гибсон и Харисон Форд во главните улоги заработи само 16 милиони долари, доволни за 4-та позиција.
Expendables 3 беше еден од ретките филмови, чија ДВД копија се најде на Torrent сајтовите дури 3 недели пред премиерата, и филмското студио за филмот веќе покрена истрага за да се открие виновникот за објавувањето на копијата на интернет.
Втора недела по ред на врвот од бокс офисот во С. Америка остана Teenage Mutant Ninja Turtles кој заработи додатни 28 милиони долари изминатиот викенд, а на втората како и минатиот викенд така и овој, остана најновата франшиза од Marvel, Guardians Of The Galaxy, кој заработи додатни 24 милиони долари.
Let’s Be Cops, комедијата со Џејк Џонсон и Дејмон Вејнс Џуниор, актерите попознати по серијата New Girl, заработи 17 милиони долари и покрај негативните критики од филмските критичари.
1. Teenage Mutant Ninja Turtles $28,400,000
2. Guardians of the Galaxy $24,735,000
3. Let’s Be Cops $17,700,000
4. The Expendables 3 $16,200,000
5. The Giver $12,760,000
6. Into the Storm $7,720,000
7. The Hundred-Foot Journey $7,109,000
8. Lucy $5,317,000
9. Step Up All In $2,700,000
10. Boyhood $2,150,000