Ако сте ја погледнале хит серијата Orange is The New Black, продуцирана и емитувана од Netflix каналот, тогаш сигурно сте ја забележале Crazy Eyes, затвореничката во фиктивниот затвор во Личфилд.
Поточно тоа е Сузан Ворен, попозната по прекарот Crazy Eyes која ги украде срцата на гледачите, а синоќа и на на членовите на Академијата за телевизиска уметност. Узо Адуба, актерката која ја портретира Ворен во хит серијата синоќа освои Еmmy награда за најдобра актерка на церемонијата која се одржа во Лос Анџелес.
Узо беше номинирана во иста категорија заедно со колешките од серијата, Лаверн Кокс и Наташа Лијон, но во нејзиниот говор при примањето на наградата призна дека ја добила улогата на Сузан Ворен, во најнеочекуваниот момент од нејзиниот живот.
Таа била разочарана од состојбата во која се наоѓала нејзината кариера и била подготвена да се откаже од глумата, кога и пристигнала понудата да дојде на аудицијата за Orange Is The New Black.
На аудицијата, Узо морала да ги одглуми сите женски ликови во серијата пред кастинг директорите да се одлучат да и ја доделат улогата на Crazy Eyes, ментално нестабилната затвореничка, која уште од стартот ќе ја прикаже својата ментална состојба, но и привлечноста кон главниот лик Пајпер Чепман (Тејлор Шилинг).
Родена во Месачусец, САД, но по потекло од Нигерија Узо има диплома од Универзитетот во Бостон, но до сега нема искуство во играните долгометражни филмови, туку само во краткометражни филмови и гостински појавувања во серии. Сепак, по успехот на Orange Is The New Black тоа наскоро ќе се промени.
Додека ја очекуваме следната улога на Узо, да се потсетиме на дел од најдобрите моменти на ликот Сузан Crazy Eyes Ворен во Orange Is The New Black:
I threw my pie for you! сцената
Поемата од Сузан до Пајпер
Сцената со уринирањето
Chocolate and vanilla swirl сцената
How Come Everyone Calls Me Crazy Eyes- сцената