Актерката Јелена Јованова има големи шанси да биде следната Бонд девојка во светски познатиот серијал за тајниот агент 007. Јованова потврди дека влегла во вториот круг од кастингот за филмот, но се уште не добила потврда од Лондон за тоа дали ја добила улогата.
-Контактираа со мене преку кастинг менаџерот од Сараево, изјави Јелена за хрватските медиуми и додаде дека не била избрана преку аудиција, туку врз основа на видео снимка.
Продуцентите на филмот се во потрага по девојка со светла коса и странски акцент, па доколку ја изберат нашата Јелена тоа ќе биде мошне значаен чекор за нејзината кариера.
Таа досега глумеше во филмот на Анџелина Џоли, „Земја на крв и мед“ како и во серијата „Тајна“, а беше дел и од шоуто „Танц со ѕвездите“, каде покажа дека освен во глумата одлично се снаоѓа и во танцувањето.