IDIVIDI: Најдоброто од најсекапилната жена на светот

Шпанската актерка и оскаровка Пенелопи Круз оваа недела беше прогласена за најсекси жена на светот според Esquire магазинот во САД.

40-годишната Пенелопи која е сопруга на оскаровецот Хавиер Бардем во исто време е и мајка на две деца, манекенка и активист, а својата кариера на филмското платно ја започна во родната Шпанија пред повеќе од две декади.

Својата прва сериозна улога и номинација за Goya наградата ја доби за улогата во Jamón, jamón, филм во кој за прв пат глумеше покрај Бардем. Следеше Belle Époque, филм кој освои Оскар за најдобар филм од не-англиско говорно подрачје во 1993-та година, а истата година го прошири хоризонтот па настапи во неколку филмови од италијанската продукција, како La Ribelle, El Laberinto griego, Per amore, solo per amore.

Низ 90-те повторно соработуваше со Хавиер Бардем, но и со режисерот Педро Алмодовар кој подоцна ќе се покаже како витален дел од нејзиниот интернационален успех. Во 1997-ма година беше дел од успешниот филм на Алехандро Амембар, Abre los ojos, за по само неколку години да глуми и во холивудскиот римејк на истиот филм, Vanilla Sky, но во комплетно друга улога.

Од 1997-ма до 1999-та година Пенелопи беше дел и од контроверзните Carne trémula, и All About My Mother, а во меѓувреме ја освои престижната филмска награда Goya за улогата во La niña de tus ojos.

Пенелопи се проби во Холивуд со љубовната драма Talk of Angels, но Холивуд вистински ја запозна со улогата во Blow во кој глумеше покрај Џони Дип. И од тогаш не погледна назад.

По неуспехот на Captain Corelli’s Mandolin, Пенелопи го пронајде успехот со Vanilla Sky, Gothika, а во 2006-та година таа ја заработи и првата номинација за Оскар, за улогата во Volver на Педро Алмодовар.

Златната статуетка конечно дојде во рацете на Пенелопи за перформансот во филмот на Вуди Ален, Vicky Cristina Barcelona, но таа го прошири и жанрот за одбирање на проектите. Го делеше платното со оскаровците како Никол Кидман, Даниел Деј Луис и Џуди Денч во Nine, а потоа повторно соработуваше со Џони Деп во хит филмот Pirates of the Caribbean: On Stranger Tides.

Минатата година по втор пат глумеше покрај Камерон Дијаз т.е. во крими филмот на Ридли Скот, The Councelor, а веќе следната година ќе ја видиме во комедијата Grimsby.

Сепак кои се најдобрите филмски проекти во кариерата на Пенелопи Круз?

Jamón, jamón - 1992