Крис Хемсфорт повеќе не е набилданиот нордиски бог Тор кој го знаеме и сакаме од истоимениот филм. Австралијанскиот актер има нов проект, и во Heart Of The Sea тој ќе биде Овен Чејс еден од најпочитуваните морепловци од почетокот на 19-от век.
Чејс во 1819-та година бил дел од посадата на бродот Essex кој заминал на мисија за ловење на китови, но мисијата предводена од капетанот Џорџ Полард Џуниор (Бенџамин Вокер) се покажала како погубна. Бродот бил нападнат од голем кит, по што остана нефункционален речиси 90 дена и екипажот морал да преживее со канибализам, т.е. јадење на колегите кои не го преживеале нападот од китот.
Покрај Хемсфорт и Вокер во останатите улоги ќе се појават и одличните Силијан Марфи, Бен Вишау и Том Холанд, додека пак режијата му беше доверена на Рон Хауард кој веќе соработуваше со Крис на биографскиот Rush.
Премиерата на Heart Of The Sea се очекува на 13-ти март следната година, а ова е првиот трејлер.
Погледнете.