Кетрин Хејгл по пауза од 5 години се враќа на „малите екрани“, но овој пат не во нова медицинска драма, туку во политичка трилер серија во таа ќе ја има главната улога.
Прекрасната русокоса во State of Affairs ќе ја толкува улогата на аналитичарката во ЦИА Чарлстон „Чарли“ Такер одговорна за штитењето на претседателката на САД, Констанс Пејтон (играна од Алфи Вудард). Чарли и Констанс во серијата покрај тоа што ќе бидат поврзани на професионален план, двата ликови ќе бидат поврзани и на приватен бидејќи Чарли веќе била верена за синот на Констанс, пред неговата предвремена смрт.
35-годишната Хејгл беше забележана од папараците, како во Пасадена Калифорнија ги доснимува последните сцени од првата сезона на State of Affairs, пред премиерата на 17-ти ноември.
State of Affairs ќе биде обид на Хејгл да ја оживее кариерата кој и пропаѓа по низата на бокс офис и критички неуспеси како The Ugly Truth, Killers, Life as We Know It, New Year's Eve, One for the Money а за тоа придонесе и репутацијата дека е тешка за соработка.
Таа стави пауза на нејзината актерска кариера по заминувањето од Grey’s Anatomy во 2009-та година и се фокусираше на растењето на двете ќерки заедно со сопругот, кантри пејачот Џош Кели.
Погледнете го трејлерот и фотографиите од снимањето на State of Affairs.