Рене Зелвегер е мистеријата на Холивуд. Оскаровка, талентирана, но во исто време презирана од медиумите, дел од колегите, и дел од публиката. Сакана поради тоа што и покрај тоа што нема промовирано проект веќе 4 години (следниот филм и e најавен дури за 2015-та година), и покрај моменталната репутација, неоспорен факт е дека Рене е се’уште талентирана актерка која може да одигра било каква улога.
Презирана поради тоа што го направи со сопственото лице. Веќе со години наназад Рене е мета на таблоидите па дури и на стенд ап комичарите како Кети Грифин поради нејзината употреба на хируршко-козметичните операции за затегнување на лицето и ботокс инјекциите.
И поради нив нејзиното лице изгледа „замрзнато“ без ниту една брчка, но без експресии, толку важни за нејзината кариера. А пред само една декада, Рене ја освои најпрестижната филмска награда Оскарот, за споредната улога во драмата на Ентони Мингела, Cold Mountain.
Првата номинација за Оскар стигна со мега-хитот Bridget Jones's Diary, а веќе следната година беше дел од независниот филм White Oleander во кој глумеше покрај Мишел Фајфер. White Oleander е можеби еден од најдобрите филмови во нејзината кариера, но малкумина знааат за одличната адаптација на истоимениот роман од Џенет Линч.
Chicago и донесе нова номинација за Оскар и проширување на жанровите во кариерата, а исто така и Down with Love, шармантната романтична комедија со Јуан Мегрегор. Сепак, нејзината кариера почна да пропаѓа по улогата на писателката Беатрикс Потер во Miss Potter , а следеа Leatherheads, New in Town, Monsters vs. Aliens, Case 39 и My Own Love Song кои останаа незабележани од публиката и критичарите.
За следната година е закажана премиерата на The Whole Truth првиот филм на Рене по пауза 2010-та година години во кој ќе глуми покрај Кијану Ривс и Џим Белуши.
Но до тогаш да се потсетиме на најдобрите филмови во кариерата на Рене.
Empire Records -1995
Jerry Maguire -1996
One True Thing -1998
The Bachelor -1999
Nurse Betty -2000
Me, Myself & Irene -2000
Bridget Jones's Diary -2001
White Oleander -2002
Chicago -2002
Down with Love -2003
Cold Mountain -2003
Cinderella Man -2005
Miss Potter -2006