Првиот тизер за Avengers-Age Of Ultron, продолжението на успешниот блокбастер на режисерот Џос Видон конечно е објавен за фановите.
Овој пат „одмазниците“ ќе добијат нов негативец, злобниот Ultron (игран од Џејмс Спајдер), но и неколку нови сојузници кои ќе треба да им помогнат во борбата против злото кое уште еднаш ќе ги стигне.
Ѕвездите од Godzilla, Елизабет Олсен и Арон Тејлор Џонсон се двата нови ликови во вториот дел од Avengers, а во него тие ќе бидат братот и сестрата Pietro Maximoff / Quicksilver и Wanda Maximoff / Scarlet Witch.
Улогите од првиот дел повторно ќе ги репризираат Џереми Ренер, Скарлет Јохансон, Крис Хемсфорт, Роберт Дауни Џуниор, Марк Рафало и Самуел Л. Џексон, но овој пат своја улога ќе има и маестралниот гласовен актер Енди Серкис, познат по филмовите Dawn of the Planet of the Apes, Lord Of The Rings, The Hobbit, King Kong.
Филмот од 2012-та година заработи 1.5 милијарда долари на бокс офисот ширум светот, што го прави 3-от најпрофитабилен филм на сите времиња.
Премиерата на Avengers- Age Of Ultron се очекува на 1-ви мај следната година, а ова е првиот тизер.