Што се случува кога две мајки како Дру Баримур и Тони Колети, глумат мајки на филмското платно? Па за почетокот снимањето на тој филм е премногу забавно.
Дру и Тони веќе беа забележани од папараците како на улиците на Лондон го снимаат најновиот филмски проект, Miss You Already, но и покрај сензитивната тема на самиот филм, атмосферата на сетот беше весела.
Актерките ќе портретираат пријателки во најновата драма-комедија чие пријателство ќе биде ставено на сериозен тест откако на ликот портретиран од Тони Колети ќе и биде дијагностициран рак и покрај тоа што е во поодмината бременост.
Тони на сетот беше забележана и со простетички лажен стомак кој треба да ја симулира бременоста на ликот во филмот, а на самото снимање покрај двете актерки беше присутен и актерот Доминик Купер кој ќе го глуми сопругот на ликот на Тони.
Во останатите улоги ќе имаме можност да ги видиме и одличните Пади Константин, Џеклин Бисет, додека пак зад камерата седна Кетрин Хердвик, режисерката зад Red Riding Hood, Twilight и Thirteen.
Премиерата се очекува следната година, но во меѓувреме погледнете како тече снимањето на Miss You Already во Лондон.