По Колин Фарел и Винс Вон, втората сезона на серијата True Detective доби нов згоден актер во една главните улоги. Тејлор Кич.
Канадскиот актер официјално е потврден за 2-та сезона на култната антологиска серија, креирана од Ник Пизолатo, а се очекува наскоро да биде објавен и последниот 4-ти актер за 4-от главен лик.
33-годишниот Канаѓанец ја започна кариерата како манекен, но од 2006-та година тој се префрли на глумата, и ја доби својата прва улога во хит серијата Friday Night Lights како и споредна улога во комедијата John Tucker Must Die.
Истата таа 2006-та година беше дел и од изненадувачкиот хит на бокс офисот, Snakes On A Plane во кој глумеше покрај Самуел Л. Џексо за веќе во 2009-та година да се испроба и во првиот блокбастер. Кич во X-Men Origins: Wolverine ја толлкуваше улогата на Гамбит. По разочарувачкиот прием на Bang Bang Club, биографскиот филм за групата на фото-репортери од Јужна Африка во периодот на Апартхејдот, тој ја доби улогата за која многумина се надеваа.
Таа на Џон Картер во истоимениот СФ трилер, John Carter. John Carter едвај успеа да го поврати буџетот на снимање, а доби и лоши критики, но изненадувачки фијаското не продолжи и понатаму, туку му донесе и поквалитетни проекти. Како на пример соработката со Оливер Стоун во Savages, биографскиот Lone Survivor, маестралниот The Grand Seduction и ТВ ремек- делото The Normal Heart во кој глумеше геј активисти за борба против СИДА.
Но, додека ја очекуваме 2-та сезона од True Detective да се потсетиме на најдобрите моменти и филмови во кариерата на Тејлор Кич.
Friday Night Lights 2006-2011
Snakes on a Plane 2006
The Covenant 2006
X-Men Origins: Wolverine 2009
The Bang Bang Club 2010
John Carter 2012
Battleship 2012
Savages 2012
Lone Survivor 2013
The Grand Seduction 2014
The Normal Heart 2014