Англискиот актер, Бенедикт Камбербач кој веќе ја толкува улогата на најпознатиот детектив Шерлок Холмс во серијата Sherlock, ги започна преговорите да ја толкува улогата на Doctor Strange во истиомената адаптација на стрипот од Marvell.
Откако Леонардо ди Каприо и Хоакин Феникс веќе се откажаа од улогата, Бенедикт се смета како еден од фаворитите според американските медиуми, но покрај Бенедикт на листата на Marvell се и Џеред Лето и Том Харди кои исто така започнаа свои преговори.
Бенедикт моментално е актуелен со The Imitation Gamе, биографскиот филм за математичарот и криптограф од Втората Светска војна, Алан Туринг а веќе се смета и за еден од фаворитите за номинација за Оскар.
The Imitation Gamе ќе има премиера следниот месец, а премиерата на Doctor Strange се очекува во 2016-та година.
Режисер на Doctor Strange ќе биде Скот Дериксон а Џон Спејтс ќе го напише сценариото.