Македонскиот актер Васил Шишков почина ненадејно синоќа на возраст од само 44 години, вест која ги затекна и шокира неговите колеги и пријатели, но и сите кои го почитуваа како актер.
Дипломираше на Факултетот за драмски уметности во 1994-та година, а покрај тоа што беше актиевн на театарската сцена, имаше свои улоги во неколку незаборавни филмови (Џипси Меџик, Сенки), но и во повеќе одлични серии како Македонски народни приказни и Тврдокорни.
Васил Шишков е роден во Скопје на 30-ти јануари, син на актерската легенда Ристо Шишков, а како причина за смртта на Васил најверојатно е срцев удар.
Беше дел од ансамблот на Македонскиот народен театар, а последна улога му беше во претставата „Вечната куќа“ каде што го глумеше татка си, Ристо Шишков. Сепак, кои се дел од неговите филмски, телевизиски и дела по кои ќе го паметиме Васил Шишков?
Бумбари – ТВ серија
Стрмоглави - ТВ драма
Мост -ТВ драма
Македонски народни приказни
Патувања со рабробус- ТВ серија
Духот на татко ми - документарен филм посветен на Ристо Шишков
Бог да ги убие шпионите - ТВ филм
Џипси Меџик - игран филм
Сенки - игран филм