Факт е дека додека гледаме филмови не обрнуваме внимание на некои ситници кои се наоѓаат најчесто во споредните сцени. Сепак, баш во тие сцени најчесто се случуваат грешки. Ви ги претставуваме грешките од познати српски филмови.
Žikina dinastija
Жика Павловиќ и Милан Тодоровиќ на многу гледачи им се омилени ликови. Нивното пријателство и сплетки на многумина им измамиле насмевка на лице. Ви откриваме една од грешките која сигурно не сте ја забележале. Имено, кога Милан оди кај професорот на ќерката да поразговараат за неа, професорот го нарекува „друже Ѓорѓевичу“.
Kad porastem biću kengur
Во филмот, Брацо (Сергеј Трифуновиќ) се труди да го освои срцето на Ирис (Марија Каран). Кога ќе ја кани да одат во кино, проекцијата се откажува бидејќи само тие двајца купиле карти. За да го гледаат филмот, Брацо купува уште пет карти (бидејќи потребно е да се исполнат барем седум места). Откако сè ќе биде како што треба, ги предупредуваат да седнат на означените места, односно во првиот ред. Сo оглед дека купил седум карти, сите седум места се нивни. Овде се појавува грешка кога доаѓа нов гледач и вели дека неговата карта е резервирана за место број 3, кое веќе е продадено на нив.
Pljačka trećeg rajna
Најдобрите фалсификатори во Белград во 1941 година биле Главоња и Клаус, односно Драган Николиќ и Никола Ѓуричко. Кога се селат во Германија да работат, добиваат лажни документи. На предавањето на лажните документи, Драган се претставува како пилотот Волган Мозер, а Никола како докторот Хелмут Келнер. Подоцна низ целиот филм, Драган го именуваат како Хелмут, а Никола како Волган.
Montevideo, Bog te video
Филмот за кратко време ги освои симпатиите на многумина. Познато е дека една сцена се снима неколку пати, се додека кадарот, глумата и светлото не бидат како што треба. Оваа сцена е чист пример, дека ни најкраткиот дијалог не може да се сними веднаш. Внимавајте на прстот на чичко Рајко (Мима Караџиќ) додека го советува Тирке (Милош Биковиќ).
Zona Zamfirova
Слично како и во Montevideo, и во овој филм се појавува грешка. Во сцената кога ја изведуваат Зона во град, Јелица Сретеновиќ во една сцена има цвеќе во косата, додека во друга само плетенка.
Profesionalac
И во останатите филмови има слични грешки. Во сцена од филмот „Profesionalac“ кога Боро Тодоровиќ и Бранислав Лечиќ ги покажуваат лузните кои си ги нанеле, во секој кадар, вратоврската на Боро стои на различни емста.
Boj na Kosovu
Феноменалниот филм кој Здравко Шотра го снимил за 30 дена, логично е да има неколку грешки. Ние ви претставуваме една во која Жарко Лаушевиќ јава коњ, а во позадина се гледа трактор.