Двојниот оскаровец, Бен Афлек кој изминатата година беше дел од хит филмот Gone Girl, а следната ќе биде дел од блокбастерот Batman v Superman: Dawn of Justice, снима нов проект.
The Accountant, акционен трилер во кој Бен ќе ја толкува една од главните улоги. Тој веќе беше забележан на локацијата на снимање, т.е. на сетот во Атланта Џорџија како облечен во црна тренерка со качулка физички се пресметува со повеќе статисти.
Покрај Бен во The Accountant ќе се појават и одличните актери како Џеј Кеј Симонс, кој оваа година освои Златен глобус и номинација за Оскар за Whiplash, Џефри Тембор (кој исто така освои Златен глобус, но за серијата Transparent), Ана Кендрик, Џон Литгоу и Џон Бертнал.
Малку информации поврзани со кастингот и екипата зад The Acountant се објавени, но се шушка дека режисер е Гевин О’Конор, чиј последен филм беше Warrior од 2011-та година.
За сега не е ниту позната датата кога The Accountant ќе се прикаже во кино-салите, но во меѓувреме погледнете како тече снимањето во Атланта.
