Филмот „Birdman“ ја освои главната награда за најдобар актерски состав на Американското здружение на актери, на синоќешната церемонија на доделување на наградите во Лос Анџелес.
Ова е втора позначајна награда за ова остварување на Алехандро Гонзалес Ињaриту, откако пред неколку дена беше прогласен за најдобар филм и од страна на Здружението на американски продуценти.
Со ваквите одличја оваа сатира за американскиот шоубизнис се наметнува како еден од главните фаворити за жетва на награди на овогодишното доделување на филмските награди Оскар.
Покрај наградата за најдобар актерски состав, одделни признанија добија и актерите во „Birdman“, Џулијан Мур, Еди Редмејн, Патриша Аркет и Џеј. Кеј. Симонс.