Фановите на СФ-комедијата Ghostbusters имаат причина за радост. Режисерот на римејкот планиран за следната 2016-та година, Пол Фијг ги одбра актерките за 4-те главни улоги и тие моментално се во филналните преговори за финализирање на договорите.
Кристен Виг, Мелиса Мекарти, Лесли Џонс и Кејт Мекинон се одбрнаите актерки за да ги толкуваат 4-те главни улоги во римејкот на истоимениот класик од 1984-та година.
Римејкот ќе биде со целосно женска актерска екипа во главните улоги т.е. во 4-те ликови кои ги сочинуваат Ghosbusters, но според американските медиуми Бил Мареј кој беше дел од оригиналниот филм е во преговори да се појави и во филмот на Фијг, но во улога на негативец.
За сега не е познато дали тој прифатил повторно да биде дел од Ghostbusters екипата, но познато е дека премиерата може да ја очекуваме на 22-ри јули 2016-та година.
Кристен Виг и Мелиса Мекарти веќе соработуваа со Фијг на хит комедијата Bridesmaids, а Кејт Мекинон и Лесли Џонс веќе се дел од хумористичното скеч шоу Saturday Night Live.