Оскаровката Рис Витерспун и ѕвездата на серијата Modern Family, Софија Вергара се прекрасните актерки кои го сочинуваат најновиот проект на режисерката Ен Флечер, Hot Pursuit.
Рис оваа недела беше забележана како повторно на сетот ги преснимува дел од сцените на најновиот филм, во родниот град, Њу Орлеанс. Оскаровката во Hot Pursuit ќе ја потретира, полицајката Купер која во обид да ја смести избеганата затвореничка (Вергара) повторно зад решетки, ќе ја заврзе со другата страна на лисиците за себе.
Двете врзани со полициски лисици ќе патуваат низ Тексас за да стигнат до затворот, во кој таа треба да ја отслужи затворската казна. Покрај Витерспун и Вергара во останатите улоги ќе имаме можност да ги видиме и Џон Керол Линч, Ричард Т. Џонс и Џоди Лин Броктон, а премиерата можеме да ја очекуваме на 8-ми мај оваа година.
Погледнете како течеше преснимувањето на дел од сцените на Hot Pursuit.