Анџелина Џоли продолжува со режисерската кариера. Најновиот проект на Оскаровката е Africa, а филмот за кој е во преговори да го режира, ќе ја однесе токму таму. Африка.
Africa ќе биде 4-от режисерски обид на Џоли и втор во кој таа ќе соработува со сопругот Бред Пит додека таа е одговорна зад камерата. Парот го помина изминатото лето на југот на Франција и во Малта снимајќи го By the Sea, филмот за кој таа го напиша и сценариото, а исто така ја портретираше главната улога.
Но, Africa ќе биде нов биографски филм во нејзината режисерска кариера. Филмот за кој во преговори е и Бред Пит ќе ја раскажува животната приказна за славниот палео-анторполог Ричард Лики. Бред Пит треба да го потретира Лики во Africa, а филмот покрај неговиот приватен живот ќе се фокусира и на неговите напори да ги спаси слоновите во Кенија од ловокрадците кон крајот на 80-те години од 20-от век.
Ричард Лики е син на легендарниот анторополошки пар Луис и Мери Лики, кој покрај тоа што е активист за зачувување на дивиот свет и околината во Кенија, изгради и репсектабилна кариера како политичар.
Лики во 1993-та година преживеа авионска несреќа, по која му беа ампутирани двете нозе, а во 2007-ма година беше избран за директор на Transparency International огранокот во Кенија.