Леонардо ди Каприо можеби конечно ја пронајде улогата која ќе му донесе Оскар. The Crowded Room е филмот, а во него тој ќе глуми криминалец со 24 различни личности.
Биографскиот трилер во кој Лео ќе ја толкува главната улога ќе биде адаптација на книгата The Minds of Billy Milligan од Даниел Кејс. Лео ќе биде Били Милиган, човек обвинет за вооружен грабеж и силување на 3 рзлични жени, кој успеал да не добие затворска казна благодарение на психијатриската дијагноза дека е ментално пореметена личност со 24 различни личности во себе. Тој тврдел дека лично не ги изведувал злосторствата туку тоа го направиле останатите личности.
Според Милиган, Реген бил едниот од ликовите. Југословенски комунист бил одговорен за грабежот. Адалана, бил вториот од 24-те ликови. Лезбејскиот лик кој бил одговорен за силувањата, а таа имала помош од Артур, третиот лик, англиски господин од високото општество... Ова се само дел од 24-те ликови за кои Милиган тврдел дека се во неговата глава, и кои ги правеле злосторствата.
Вистинскиот Били Милиган починал во декември минатата година.
За сега нема режисер назначен за овој проек, а на тесната листа на фаворити се Дарен Аронофски, Дејвид Финчер и Бенет Милер, а претходно за овој проеект беше заинтересиран и Џејмс Камерон.
Лeонардо ди Каприо оваа година ќе го видиме во епската авантура на Оскаровецот Алехандро Гонзалес Ињариту The Revenant.