Првите фотографии од Џозеф Гордон Левит, актерот кој ќе го портретира Едвард Сноуден, во биографскиот филм на режисерот Оливер Стоун, наречен Snowden се објавеи за фановите кои со нетрпение го очекуваат.
Фотографиите го прикажуваат самиот Сноуден во воена униформа, очигледно од периодот околу 2004-та година кога служел воен рок. Тој подоцна бил ослободен од воениот рок, откако за време на тренингот ги скршил нозете, но сакајќи да и служи на татковината се пријавил за работна позиција во ЦИА.
Како вработен во ЦИА тој во 2013-та година објави доверливи документи во јавноста, и под закана за негово затворање во затвор и потенцијална смрт тој моментално се наоѓа во Русија, земјата која му дозволи азил.
Покрај Левит, во насловната улога во останатите улоги ќе се појават и плејада одлични актери како оскаровците Мелиса Лео и Николас Кејџ, Том Вилинсон, Џоели Ричардсон, Закари Квинто, Тимоти Олифант и Шарлин Вудли.
Оливер Стоун покрај тоа што се јавува како режисер на Snowden, тој е и еден од ко-сценаристите, а самиот Стоун во американската јавност е познат по ултра-десничарската и социјалистичка идеологија.
Премиерата на Snowden се очекува на 25-ти декември оваа година, токму на време за да може да се квалификува во оскаровската трка следната година.