Веќе ни е познат изгледот на Batman, Superman, а исто така и на Wonder Woman, а сега конечно ни е откриен изгледот и на главниот негативец, Lex Luthor во Batman v Superman: Dawn of Justice, долго очекуваниот блокбастер планиран за следното лето.
Како Лекс Лутор сега ќе имаме можност да го видиме Џеси Ејсенберг, актерот кој заработи номинација за Оскар за улогата во филмот The Social Network, а првата фотографија од ќелавиот Ејсенберг беше објавена за фановите на филмот, чија премиера ја очекуваме следната 2016-та година.
Филмот во режија на Зек Снајдер е напишан од оскаровецот Крис Терио, кој пак веќе соработуваше со Бен Афлек на филмот Argo. Афлек сега во Batman v Superman: Dawn of Justice ќе ја толкува улогата на Брус Вејн/ Batman. Кларк Кент ќе биде Хенри Хавил, Гал Гадот ќе биде Дајана Принц, а по втор пат во улогата на Лоис Лејн ќе ја видиме актерката Ејми Адамс.
Премиерата на Batman v Superman: Dawn of Justice се очекува на 25-ти март 2016-та година, до тогаш погледнете го изгледот на Лекс Лутор.