Џејк Џиленхал може да се надева на номинација за Оскар? По минатогодишниот перформанс во Nightcrawler кој остана незабележан од Академијата, фановите се надеваат дека тој со најновото дело ќе добие номинација (а и потенцијална статуетка) за Оскар. Последниот претендент за тоа е Southpaw, боксерска драма во која тој ја толкува главната улога.
Џејк во Southpaw е Били Хоуп, светски шампион во полу-тешка категорија кој по смртта на мајката на неговото дете, ќе го загуби старателството врз ќерката и тој ќе стори сè за да го врати.
Актерот за да ја долови подобро улогата на боксер, ја зголеми мускулната маса и со плус 20-на килограми на себе дојде до изгледот на боксер кој го бараше на Били Хоуп.
Режисер на филмот е Ентоан Фукуа, кој минатата година ни гп претстави The Equalizer, трилерот со Дензел Вашинтон во главната улога, Курт Сутер го напиша сценариото за Southpaw. Покрај Џејк во останатите улоги ќе ги видиме и Рејчел Мекадмс, 50 Cent, Рита Ора и Оскаровецот Форест Витекер.
Премиерата на Southpaw е закажана за 31-ви јули оваа година, а во меѓувреме погледнете го првиот трејлер кој беше објавен.