Првиот тизер за Suffragette, драмата инспирана од вистински настан со Кери Малиган и Мерил Стрип во главните улоги е објавен за фановите.
Тројната оскаровка Стрип во Suffragette ќе ја глуми Емелин Панкхуртс, британски политички активист и борец за правата на жените, а самата Мерил со оваа улога уште еднаш се стави во фаворитската трка за сезоната на награди во Холивуд. Панкхурст и нејзиното лобирање помогнале жените во В. Британија да добијат право за гласање, а токму тоа ќе биде темата на Suffragette. Борбата на жените да добијат право на глас и патот до издвојуваната победа.
Покрај Мерил и Кери во останатите улоги ќе ги видиме и одличните Хелена Бонам Картер, Рамола Гараи, Ен Мари Даф, Брендон Глисон и Бен Вишау.
Жените се доминантни во актерската екипа, жена (Аби Морган) го напиша сценариото на Suffragette, а жена режисер (Сара Гаврон) застана зад камерата.
Премеирата на Suffragette е закажана за 23-ти октоври оваа година, а во меѓувреме погледнете го првиот тизер.