Вториот официјален тизер за Star Wars: The Force Awakens, долгочекуваната вселенска опера беше објавен на синоќешниоит Star Wars Celebration настан во Анахејм, Калифорнија, а во тизерот за прв пат фановите имаа можност да ги видат култните ликови од оригиналната трилогија, Хан Соло и Чубака.
На конвенцијата за славењето на Star Wars присуствуваа новите ѕвезди на Force Awakens како Оскар Ајсак, Дејзи Рајдли, Џон Бојега, а секако и режисерот Џеј Џеј Абрамс и продуцентката Кејтлин Кенеди. По Q&A настанот и презентацијата на новиот изглед на imperial stormtrropers војниците, на сцената се појавија и ѕвездите на оригиналната трилогија, Кери Фишер, Марк Хамил, Ентони Дениелс, Питер Мехјху, но не и повредниот Харисон Форд кој се’уште закрепнува од авионската несреќа.
Дејствието на The Force Awakens ќе биде сместено 30 години по Return Of The Jedai, а самото снимање ја однесе екипата во Абу Даби, Исланд и Пајнвуд студијата во Англија. Филмот моментално е во фаза на пост-продукција, и единствениот од сите до сега снимени кој нема да има премиера во мај, туку во декември.
Star Wars Celebration ќе трае до 19-ти април во Анахејм Калифорнија.
Star Wars: The Force Awakens ќе пристигне во кино-салите на 18-ти декември, а во меѓувреме погледнете го вториот официјален тизер трејлер кој беше објавен на Star Wars Celebration.