Џулија Робертс неделава беше режисер. Не вистински режисер, туку во најновиот филмски проект Money Monster.
Оскаровката неделава беше забележана на улиците на Менехетен како го режира киднапирањето на Џорџ Клуни во најновиот филмски проект, Money Monster. Комедијата со Клуни и Робертс е всушност режирана од друга режисерка и оскаровка, Џоди Фостер.
Џулија во Money Monster ќе биде Ненси Фен. Режисерка која ќе биде најмена да ја снима заложничката драма пред ТВ станицата во Њујорк. Таа повторно ќе се здружи со стариот колега, Џорџ Клуни за прв пат по серијалот Olcean11/12/13, но овој пат на комедија со крими примеси.
Џорџ во Money Monster ќе го глуми Ли Гејтс, финансиски експерт со свое ТВ шоу кој им помага на гледачите не само да се збогатат, туку и да ги зачуваат парите кои ги имаат. Но, кога по лошиот совет Кајл бадвел (Џек О Конел) ќе ги изгуби сите пари, тој ќе го земе Ли како заложник, а со него и целиот негов тим во ТВ студиото.
Покрај Клуни, О’Конор и Џулија во останатите улоги ќе ги видиме Џанкарло Еспозитон и Каитриона Белфи, ирската актерка која моментално е дел од серијата Outlander.
Money Monster е првиот режисерски обид на Џоди Фостер за големото платно по The Beaver од 2011-та година, а премиерата на филмот се уште не е закажана.
