Продукцијата на Deepwater Horizon офисицијално започна. Најновиот трилер со Марк Волберг во главната улога го постави сетот во Луизијана, продуцентските компании ја објавија и првата официјална фотографија од актерот во неговата улога.
Марк на фотографијата е со траги од нафта по лицето и облеката, а во Deepwater Horizon, филмот во режија Питер Берг актерот ќе биде Мајк Вилијамс, работник на нафтената платформа која во 2010-та година експлодира во Мексиканскиот залив.
Филмот на Берг ќе ја раскаже приказната за експлозијата на нафтената платфрома наречена Deepwater Horizon. Платформата беше стационирана во Мексиканскиот залив, а несреќата се случи во 2010-та година. Во експлозијата загинаа 11 работници, а уште 16 беа повредени. По потонувањето во длабоката вода, се излеа оргомна количина на нафта во заливот кој предизвика една од најголемите еко катастрофи во историјата.
Покрај Марк во останатите улоги ќе имаме можност да ги видиме и Кејт Хадсон, Џон Малкович, Џина Родригез, Дилан О’Брајан и очувот на Кејт Хадсон, Курт Расел.
Премиерата на Deepwater Horizon е закажана за 30-ти септември следната година.