На 23 јуни се одржаа три последователни концерти кои ги организира Владо Георгиев, со цел да се соберат средства за да и се помогне во борбата на писателката Исидора Бјелица. Без оглед на тоа што Владо моментално имал бронхитис, пеел цели шест часа и успеал да собере 15.000 евра, точно колку што и е потребно на Исидора да плати за првата терапија во Швајцарија.
Покрај најблиската фамилија на Исидора, на концертот присуствувале луѓе кои сакале да и помогнат. Таа преку социјалните мрежи го следела концертот, а кога видела колку луѓе се појавиле за да и оддадат поддршка се расплакала и се заблагодарила.
- Воодушевена сум од атмосферата, пораките, фотографиите, клиповите. Благодарам Белград, Владо и на вас. Навистина за прв пат по долго време, плачам од среќа, изјавила Исидора за Alo.rs.
Имено, ова е втор пат Исидора да пати од рак, но овој пат со поддршката од сите се надева дека ќе го победи ракот еднаш засекогаш.
- Денес ми доаѓа Вила, едвај чекам детално да ми раскаже за концертот. Таа и Лав се воодушевени од Владо и од сите луѓе на концертите. Ова е долга борба, но морам да ја победам. Само да влезам во ремисија, па да започне второто полувреме.
На трите одржани концерти имало 1.800 луѓе, а картите за концертот чинеле 100 динари, па собрани се вкупно 1.800.000 динари, односно 15.000 евра.
- Ова е моја шанса, мој влез за живот и кога ќе се одбие данокот, можам да ја платам првата тура терапија, лекови и анализа.. По пет скенери ќе знаеме што понатаму. За жал, ова е долготрајна борба, но благодарение на Владо и на сите луѓе кои беа на концертите јас имам шанса. Ракот е најлоша спонзоруша, троши без да запре, изјавила Исидора и гледаме дека и покрај тешките болки успеа да го задри хуморот во себе.